Nasir Kazmi Poetry (Shayari)


Nasir Kazmi Poetry

 

Nasir Kazmi Shayari

====

Nasir Kazmi

girifta-dil hain bahut aaj tere diwane
Khuda kare koi tere siwa na pahchane

miti miti si ummiden thake thake se khayal
bujhe bujhe se nigahon main gham k afsane

hazar shukr k ham ne zuban se kuch na kaha
ye aur bat k pucha na ahal-e-duniya ne

baqadr-e-tashnalabi pursish-e-wafa na hui
chalak k rah gaye teri nazar k paimane

khayal a gaya mayus rahguzaron ka
palat k a gaye manzil se tere diwane

kahan hai tu k tere intazar main ai dost
tamam rat sulagate rahe dil k wirane

ummid-e-pursish-e-gham kis se kijiye ‘Nasir’
jo mere dil pe guzarti hai koi kya jane

apni dhun main rahta hun
main bhi tere jaisa hun

o pichli rut k sathi
ab k baras main tanha hun

teri gali main sara din
dukh k kankar chunta hun

mujh se ankh milaye kaun
main tera aina hun

mera diya jalaye kaun
main tera khali kamra hun

tu jiwan ki bhari gali
main jangal ka rasta hun

apni lahar hai apna rog
dariya hun aur pyasa hun

ati rut mujhe royegi
jati rut ka jhonka hun

araish-e-khayal bhi ho dilkusha bhi ho
wo dard ab kahan jise ji chahta bhi ho

ye kya k roz ek sa gham ek si ummid
is ranj-e-bekhumar ki ab inteha bhi ho

ye kya k ek taur se guzre tamam umr
ji chahta hai ab koi tere siwa bhi ho

tute kabhi to khwab-e-shab-o-roz ka tilism
itne hujum main koi chehra naya bhi ho

diwangi-e-shauq ko ye dhun hai in dinon
ghar bhi ho aur be-dar-o-diwar sa bhi ho

juz dil koi makan nahi dahar main jahan
rahzan ka khauf bhi na rahe dar khula bhi ho

har zarra ek mahmil-e-ibrat hai dasht ka
bhala-sa ho to hamain dekhta bhi ho

har shay pukarti hai pas-e-parda-e-sukut
lekin kise sunaun koi hamnawa bhi ho

fursat main sun shaguftagi-e-guncha ki sada
ye wo sukhan nahi jo kisi ne kaha bhi ho

===

Dard kam hone laga aao ke kuch raat kate
Gham ki miaad badha jaao ke kuch raat kate

Hijr mein aah-o-baka sa kuhan hai lekin
Aaj yeh rasm hi dohrao ke kuch raat kate

Yun to tum roshni qalb-o-nazar ho lekin
Aaj who mojezah dikhlao ke kuch raat kate

Dil dukhaata hai who milkar bhi magar aaj ki raat
Usi be-dard ko le aao ke kuch raat kate

Dam ghuta jaata hai afsurda dili se yaaro
Koi afvah hi phailao ke kuch raat kate

Main bhi bekaar hun aur tum bhi ho viran bahot
Doston aaj na ghar jaao ke kuch raat kate

Chod aaye ho sarshaar use kyun NAASIR
Use phir ghar se bula lao ke kuch raat kate

===

 

Tere Khayaal se lau de uThii hai tanhaa_ii
Tere khayaal se lau de uthii hai tanhaa_ii
shab-e-firaaq hai yaa terii jalvaa_aaraa_ii

tuu kis khayaal me.n hai ai manzilo.n ke shaadaa_ii
unhe.n bhii dekh jinhe.n raaste me.n niind aa_ii

pukaar ai jaras-e-kaaravaan-e-subah-e-tarab
bhatak rahe hai.n a.ndhero.n me.n tere saudaa_ii

rah-e-hayaat me.n kuchh marhale to dekh liye
ye aur baat terii aarazuu na raas aa_ii

ye saanihaa bhii muhabbat me.n baarahaa guzaraa
ki us ne haal bhii puuchhaa to aa.nkh bhar aa_ii

phir us kii yaad me.n dil beqaraar hai ‘nasir’
bichha.d ke jis se hu_ii shahar shahar rusavaa_ii

 

===

More Nasir Kazmi Poetry

 

Nasir Kaazmi Book

DOWNLOAD

Pehli Baarish by Nasir Kazmi

 

Designed Poetry of Nasir Qazmi

 

Nasir Kazmi Poetry

Teri nigaah ke jadu bikharte jate hain
Jo zakhm dil ko miley woh bharte jate hain

Tere bagher woh din bhi guzar gaye akhir
Tere bagher yeh din bhi guzarte jate hain

Liye chalo mujhe darya-e-shauk ki maujo
Ke hamsafar tou mere paar utarte jate hain

Tamaam umar jahan hanste khelte guzaari
Ab us gali mein bhi hum darte darte jate hain

Mein khawhishon ke gharonde banaye jata hoon
Woh mehntain meri barbaad kiye jate hain

 

==

 

naye kapre badal kar jaun kahan aur bal banaun kis k liye
wo shakhs to shahar hi chor gaya ab khak uraun kis k liye

jis dhup ki dil ko thandak thi wo dhup usi k sath gai
in jalti bujhti galiyon main ab khak uraun kis k liye

wo shahar main tha to us k liye auron se milna parta tha
ab aise-waise logon k main naz uthaun kis k liye

ab shahar main is ka badal hi nahi koi waisa jan-e-gazal hi nahi
aiwan-e-gazal main lafzon k guldan sajaun kis k liye

muddat se koi aya na gaya sunsan pari hai ghar ki faza
in khali kamron main ?Nasir? ab shamma jalaun kis k liye

7 تبصرے

  1. مئی 11, 2013 at 7:55 am

    Hola! I’ve been following your blog for a while now and finally got the courage to go ahead and give you a shout out from Huffman Texas! Just wanted to tell you keep up the fantastic job!

  2. دسمبر 6, 2012 at 6:23 am

    of course like your website but you have to take a look at the spelling on quite a few of your posts. Several of them are rife with spelling problems and I to find it very troublesome to inform the reality nevertheless I will surely come again again.

  3. اکتوبر 19, 2012 at 3:09 pm

    Excellent post. I was checking continuously this weblog and I’m inspired! Very useful information specifically the closing part :) I take care of such information a lot. I used to be seeking this certain info for a long time. Thank you and good luck.

  4. Gente - Isaac Opium Mar said,

    اکتوبر 19, 2012 at 11:33 am

    Great points altogether, you simply won a new reader. What would you recommend in regards to your put up that you made a few days ago? Any positive?

  5. Raja Ehtsham Gull said,

    مئی 15, 2012 at 7:21 am

    Very Nice

  6. mian yousaf said,

    مارچ 22, 2012 at 11:09 am

    i like this site

  7. Umer Saadi said,

    مارچ 12, 2012 at 8:07 am

    boht khob


Leave a Reply / Ap ka pegham

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 380 other followers

%d bloggers like this: