Dard Poetry – Urdu Dard Shayari


Koi Wada na karna Sath Ka..
Wadey Aksar Tod Diye Jate hian..

Sath Dena Ho To Dena Umar Bhar Ka..
Do Pal Ka Sath To Musafir Bhi De Diya Karte Hain..

==

Ajnabi Khawahish Seeney Mein Daba Bhi Na Sakon..
Aise Ziddi Hain Parinde K Uraa Bhi Na Sakon,

Phoonk Daloon Ga Kisi Roz Main Dil Ki Duniya..
Ye Tera Khat To Nahi Hai K Jala Bhi Na Sakon,

Meri Ghairat Bhi Koi Shay Hai K Mehfil Mein Mujhe..
Us Ne Is Tarah Bulaya Hai K Ja Bhi Na Sakon,

PhaLL To Sab Mere Darakhton K Pakey Hain Lekin..
Itni Kamzoor Hain Shaakhain K Hila Bhi Na Sakon,

Ek Na Ek Roz Kahin Dhondh Hi Longa us Ko..
Thokrein Zehar Nahi Hain K Main Kha Bhi Na Sakon.

===

Kyun Rulaate Ho Humien ?
Kyun Bhool Jaate Ho Humien?
Tere Hee Sahaare To Jee Rahe Hain Hum..
To Phir Kyun Akela Chod Jaate Ho Humien?
Har Baat Ko Chupana Ataa Hai Tumhein,
Roothon Ko Manana Ataa Hai Humien.
Roothe Ho Tum Najaane Kis Baat Par …
To Phir Wo Baat Kyun Nahi Bataate Ho Humien?
Jaan Jaati Hai Hamari ,
Jab Yaad Aati Hai Tumhari.
Tum To Humien Bhula Dete Ho…
To Phir Kyun Yaad Aate Ho Humien?
Hum Jeene K Bahaane Marte Rahenge,
Pyaar Hum Tumse Karte Rahenge.
Pyaar To Tum Bhi Karte Ho..

==

Kal Chodhween Ki Raat Thi

Kal Chodhween Ki Raat Thi, Shab Bhar Raha Charcha Tera

Kuch Ne Kaha Yeh Chaand Hai, Kuch Ne Kaha Chehra Tera

Hum Bhi Wahen Mojood The, Hum Se Bhi Sab Poocha Kiye

Hum Hans Diye, Hum Chup Rahe, Manzoor Tha Pardaa Tera

Is Shehr Mai Kis Se Milen? Hum Se To Chootein Mehfilein

Har Shakhs Tera Naam Le, Har Shakhs Deewaana Tera

Kooche Ko Tere Chor Kar, Jogi Hi Ban Jayen Magar

Jungle Tere, Parbat Tere, Basti Teri, Sehraa Tera

Hum aur rasm-e-bandagi? Aashuftagi? Uftaadgi?

Ahsaan Hai Kiya Kiya Tera, Ae Husn-E-Be’parwah Tera

Do Ashk Jane Kis Liye, Palkon Pe Aa Ke Tikk Gaye

Ae Be’daraigh-O-Be’amaan, Hum Ne Kabhi Ki Hai Faghan?

Hum Ko Teri Wehshat Sahi, Hum Ko Sahi Saudaa Tera

Hum Par Yeh Sakhti Ki Nazar? Hum Hain Faqeer-E-Raah Guzr

Rasta Kabhi Rokaa Tera? Daman Kabhi Thaama Tera?

Haan Haan Teri Surat Haseen, Lekin Tu Aesa Bhi Nahi

Is Shakhs Ke Ash’aar Se, Shohraa Hua Kiya Kiya Tera

Be’dard Sunni Ho To Chal, Kehta Hai Kiya Achi Ghazal

Ashiq Tera, Ruswa Tera, Shair Tera, INSHA Tera

===

Suno !!
Mohabbat Yoon Nahi Hoti

Kisi Ka Naam Lene Se
Kisi Ko Thaam Lene Se
Kisi Ke Paas Jaane Se
Kisi Ke Door Jane Se

Mohabbat Ka Janam Nahi Hota
Jab Tak Dilo’n Ka Milan Nahi Hota

Suno !!
Mohabbat Yoon Nahi Hoti

Ye Raabta Hai Dil Se Dil Ka
Ye Naam Hai Be.tarteeb Dharkanoun Ka
Mohabbat Tou Aankhon Se Bayan Hoti Hai
Ye Tou Dil Ki Zubaan Hoti Hai

Suno !!
Mohabbat Yoon Nahi Hoti

==

Sulook Us Na Mujh se kisi Cigarette Jesa kiyya;

Pehlay Jalaaya,
Phir Piya,
Paaon Rakha,
Bujha Diya..

Bas Talab thi Usko “Meri”,
Kuch Waqt kay Liye,

Pehly Lagaaya Honton say,
Or Phir
Dhu’nwein mein Urha Diya..

Apni Saansein Kheench kay,
Meri Khushboo Khud mein Basaa Li..

Or
Meri Jalti Hui Raakh ko..
Apni Ungliyon Se Gira Diya. . . !!!!

More Dard Poetry & Urdu Dard Shayari Collection.. :)


5 تبصرے

  1. ahsan jutt said,

    مارچ 31, 2014 at 9:53 pm

    i am ALone person & want for real sexy relation & real friendship & wants contact me 03217187269 skype id: shahidstco

  2. Nadeem said,

    جون 27, 2012 at 2:44 am

    Nice and Beautiful Post…

  3. Rumana Afroz said,

    جون 24, 2012 at 12:38 am

    Parvin Sakhir. She Is The Best…From Now On I am The Big fan Of Mrs Sakhir…May Allah Keep Her Soul In The best Part Of Jannat ..Ameen

  4. JUGNU said,

    جون 20, 2012 at 5:24 pm

    Dard Kia Hota Hai Batayein Gay Kisi Roz
    Kamal Ki Ghazal Tum Ko Sunayein Gay Kisi Roz

    Thi Un Ki Zid K Main Jaaoun Un Ko Manane
    Mujh Ko Ye Veham Tha Wo Bulayein Gay Kisi Roz

    Kabi B Maine To Socha B Nahi Tha
    Wo Itna Mere Dil Ko Dukhayein Gay Kisi Roz

    Har Roz Sheshay Se Yehi Poochta Hoon Main
    Kia Rukh Pe Tabassum Sajayein Gay Kisi Roz

    Urney Do In Parindon Ko Azaad Fizaon Mein
    Tumhare Hon Agar To Lout Aayein Gay Kisi Roz

    Apne Sitam Ko Dekh Lena Khud Hi Saqi Tum
    Zakhum-E-Jigar Tumko Dekhein Gay Kisi Roz

  5. JUGNU said,

    جون 20, 2012 at 5:22 pm

    Mohabbat chikhati rahi
    Dil katra katra
    Ruh ki tanhaiyon main rota raha
    Aankheen tumara aks sajaye
    Shabnam shabnam ro kar
    Nadeyan bahati raheen
    Hasarteen duub gayen
    Khuwab jazere gham ka samandar ho gaye
    Magar main phir bhi zinda houn
    K main ne khud se naheen
    Tumari amanat main khyanat ki
    Tuj se kiye ahed ko pamal kiya
    Tere khayal se zahen ko azaad kiya
    Kyun ?
    Yeh bhi tuj se keh na paoun gi
    K tera dard sah na paoun gi
    Is liye sare tufaan
    Apni ruh main samete
    Main apni maslehton ki dour se bandhi
    Tareekh rahoon pe gamzen
    Jane kis ghari
    Koun se khad main
    Mout k betah kunween main ja basoun


Leave a Reply / Ap ka pegham

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 381 other followers

%d bloggers like this: