Rekhta – نصیر ترابی – شان الحق حقی – احمد فراز


  • سلسلے توڑ گیا وہ سبھی جاتے جاتے
    ورنہ اتنے تو مراسم تھے کہ آتے جاتے

    شکوۂ ظلمت شب سے تو کہیں‌بہتر تھا
    اپنے حصے کی کوئی شمع جلاتے جاتے

    کتنا آساں تھا ترے ہجر میں مرنا جاناں
    پھر بھی اک عمر لگی جان سے جاتے جاتے

    جشنِ مقتل ہی نہ برپا ہوا ورنہ ہم بھی
    پابجولاں ہی سہی ناچتے گاتے جاتے

    اس کی وہ جانے اسے پاسِ وفا تھا کہ نہ تھا
    تم فرازؔ اپنی طرف سے تو نبھاتے جاتے

    احمد فراز

    *********************************

    دیکھ لیتے ہیں اب اس بام کو آتے جاتے
    یہ بھی آزار چلا جائے گا جاتے جاتے

    دل کے سب نقش تھے ہاتھوں کی لکیروں جیسے
    نقشِ پا ہوتے تو ممکن تھا مٹاتے جاتے

    تھی کبھی راہ جو ہمراہ گزرنے والی
    اب حذر ہوتا ہے اس رات سے آتے جاتے

    شہرِ بے مہر کبھی ہم کو بھی مہلت دیتا
    ایک دیا ہم بھی کسی رخ سے جلاتے جاتے

    پارۂ ابر گریزاں تھے کہ موسم اپنے
    دُور بھی رہتے مگر پاس بھی آتے جاتے

    ہر گھڑی اک جدا غم ہے جدائی اس کی
    غم کی میعاد بھی وہ لے گیا جاتے جاتے

    اُ س کے کوچے میں بھی ہو، راہ سے بے راہ نصیرؔ
    اتنے آئے تھے تو آواز لگاتے جاتے

    نصیر ترابی

    ***********************************

    تم سے الفت کے تقاضے نہ نباہے جاتے
    ورنہ ہم کو بھی تمنا تھی کہ چاہے جاتے

    دل کے ماروں کا نہ کر غم کہ یہ اندوہ نصیب
    زخم بھی دل میں نہ ہوتا تو کراہے جاتے

    ہم نگاہی کی ہمیں خود بھی کہاں تھی توفیق
    کم نگاہی کے لیے عذر نا چاہے جاتے

    کاش اے ابرِ بہاری! تیرے بہکے سے قدم
    میری امید کے صحرا بھی گاہے جاتے

    ہم بھی کیوں دہر کی رفتار سے ہوتے پامال
    ہم بھی ہر لغزش مستی کو سراہے جاتے

    لذت درد سے آسودہ کہاں دل والے
    ہے فقط درد کی حسرت میں کراہے جاتے

    دی نہ مہلت ہمیں ہستی نے وفا کی ورنہ
    اور کچھ دن غم ہستی سے نبھائے جاتے

    شان الحق حقی


4 تبصرے

  1. Ahmad said,

    جنوری 15, 2013 at 6:10 شام

    Ulti parri hain KASHTIYAAN sab RAITT per meri..,
    Woh le gayaa hai dil se SAMANDAR nikaal kar……!

  2. Ahmad said,

    جنوری 15, 2013 at 6:10 شام

    Or ZAMANAT..,WAFA ki kiyaa hogi…..?
    TUM..,meri SAANS..GIRWI rakh lo na…..!

  3. Ahmad said,

    جنوری 15, 2013 at 6:10 شام

    HAMDARDIYAAN.,KHULOOS..,DILAASAY..,TASSALIYAAN..,

    DIL TOOTNAY K BAAD TAMASHAY BOHAT HOWAY……….!

  4. SAHIL said,

    جنوری 14, 2013 at 4:29 صبح

    Soooooo nice.


Leave a Reply / Ap ka pegham

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Connecting to %s

%d bloggers like this: